Nkom ber fylka foreslå prosjekt som kan få tilskot til utbygging av breiband

Nasjonal kommunikasjonsmyndigheit (Nkom) forvaltar i 2019 nær 200 millionar kroner på vegner av Samferdsledepartementet til vidare utbygging av breiband.

- No inviterer vi fylka til å sende inn forslag til aktuelle prosjekt. Alle fylka har ein pott i ordninga, og eg er spent på innstillingane frå fylkeskommunane, seier Elisabeth Aarsæther, direktør i Nkom.

150 millionar kroner i statlege løyvinger vart tildelt i 2018. Desse midla ser ut til å gje utbygging av breiband verd om lag 860 millionar kroner. Ordninga er eit spleiselag. Dei statlege løyvingane bidreg til at kommunar, fylke, entreprenørar og brukarar vel å investere saman.

- Vi håper derfor at årets pott på 200 millionar gjer at utbygginga av breiband kan fortsetje på stader som elles ikkje hadde blitt bygd ut no, seier Aarsæther.

• Meir informasjon om støtteordninga finn du her.
• Sjå pressemelding frå Kommunal- og moderniseringsdepartementet

Støtteordninga er retta mot bustadar som ikkje har grunnleggjande breiband (10 Mbit/s). Ordninga tar òg omsyn til dei bustadane som har høgaste hastigheit mellom 10 Mbit/s og 30 Mbit/s, levert over koparnettet. Telenor har varsla at dei vil stenge koparnettet innan utløpet av 2022.

Ramma og fordelinga mellom fylka i 2019: