Levering av aviser
Aviser blir levert i postkasser kvar dag frå måndag til laurdag over heile landet, sjølv om Posten leverer postsendingar annankvar dag. Posten er valt som leveringspliktig tilbydar med ansvar for å levere motsyklisk distribusjon på vekedagar. Aktiv Norgesdistribusjon AS er utpeikt som leveringspliktig tilbydar med ansvar for utlevering av aviser i abonnement på laurdagar.
Posten og Aktiv Norgesdistribusjon leverer aviser
Staten kjøper avisomdeling i områder utan eigne kommersielle avisnett. Frå 1. juli 2024 har Samferdseldepartementet inngått ein ny avtale etter ein ny anbodsrunde, som blir gjeldande til 30. juni 2025. Oppdragsgjevar har i tillegg opsjon på eitt års utviding av kontraktsperioden. Dette skal sikre levering av aviser i heile Noreg.
Les meir her: https://www.regjeringen.no/no/aktuelt/nye-kontrakter-sikrer-avislevering-alle-dager/id3028075/
Tilbydar med leveringsplikt er underlagt særlege reglar i postlova kapittel 2.