Svein Scheie vil halde fram arbeidet med nytt naudnett og støtte den nye avdelingsdirektøren for naud- og beredskapskommunikasjon i Nkom med Nkom si utøving av prosjekteigarskap fram til 31. januar 2027.

Stine Meltevik blir fungerande sikkerheitsdirektør i same periode. Ho er i dag direktør for strategi og samhandling i Nkom.

– Arbeidet med nytt naudnett er omfattande og komplekst. Vi styrkjer no kapasiteten for å sikre god framdrift, styring og samhandling i det vidare arbeidet, seier direktør i Nkom, John-Eivind Velure.

Elise Lindeberg tiltrer 1. oktober som avdelingsdirektør for Nød- og beredskapskommunikasjon. Ho vil saman med Svein Scheie ha sentrale roller i Nkom sitt vidare arbeid med nytt naudnett.