Om postregelverket
Postregelverket er eit særskilt sett reglar som gjeld aktørar som opererer innanfor postsektoren. Her finn du dei viktigaste rettskjeldene.
Om postregelverket
Dei viktigaste reglane som gjeld postsektoren, finst i postlova med tilhøyrande postforskrift. Formålet med reglane er å leggje til rette for at brukarar over heile landet skal få tilgang til gode og framtidsretta posttenester, og eit likeverdig tilbod av leveringspliktige tenester til overkomeleg pris, gjennom effektiv bruk av ressursane i samfunnet.
Postlova
Den mest sentrale rettskjelda som gjeld postsektoren, er lov om posttenester (postlova) som i hovudsak vart sett i kraft 1.1.2016, men som seinare har vore noko endra.
Postforskrifta
Postforskrifta supplerer postlova og utdjupar òg enkelte av pliktene der.
Forarbeid til postlova
Politiske mål og opplysningar om postmarknaden går fram av forarbeida til postlova. Endringar i postlova dei siste åra er òg utdjupa her. Dei mest aktuelle dokumenta finn du under.
- Prop. 81 LS (2022–2023) - Endringer i postloven (pakkepostforordningen, brukerklagenemnd, offentlig postnummersystem og politiattest) og samtykke til godkjennelse av EØS-komiteens beslutning nr. 246/2021 av 24. september 2021 om innlemmelse i EØS-avtalen av forordning (EU) 2018/644 om pakkeleveringstjenester over landegrensene (pakkepostforordningen)
- Prop. 102 L (2018-2019) - Endringer i postloven (antall omdelingsdager)
- Prop. 122 L (2016-2017) - Endringer i postloven mv. (tilgang til sonenøkkelsystemer)
- Prop. 109 L (2014-2015) - Lov om posttjenester (postloven)
EUs postdirektiv
Det norske regelverket for postsektoren byggjer også på EUs tre postdirektiv. Direktiva har mellom anna til formål å liberalisere postvesenet ved å fjerne monopol og skape ein marknad for posttenester:
- EUs postdirektiv av 15. desember 1997
- Endringsdirektiv til postdirektivet 2002
- Endringsdirektiv til postdirektivet 2008
Aktuelle vedtak frå Nkom
Nkom har vedteke å gje PostNord AS tilgang til sonenøklar som Posten Bring AS i dag administrerer til postkasseanlegg i fleirbostadhus. Bakgrunnen for vedtaket er å leggja til rette for konkurranse i postmarknaden, og å sikra effektiv formidling av postsendingar i hele landet.