Nasjonal kommunikasjonsmyndigheit (Nkom) arbeider for at alle i Noreg skal ha tilgang til trygge, robuste og framtidsretta digitale tenester. Vi fører tilsyn med elektronisk kommunikasjon, datasenter, mobil- og breibandsnett, posttenester og digitale identitetstenester, og arbeider for god konkurranse og sterk digital tryggleik.
Dei siste åra har Nkom fått fleire nye oppgåver. Vi har mellom anna fått ansvar for å handheve digitaltenestelova (DSA), som skal gjere internett tryggare for brukarar, og ei sentral rolle i gjennomføringa av KI-lova. Nkom har òg ansvar for planlegging, utbygging og drift av det nye naudnettet, som skal sikre trygg kommunikasjon for beredskapsaktørar over heile landet.
Nkom er underlagd Digitaliserings- og forvaltningsdepartementet (DFD). Samferdselsdepartementet (SD) har fagansvaret for saker på postområdet.